اسلام آباد(ارشد اقبال) تحریک لبیک پاکستان نے وفاقی حکومت کے ساتھ مذاکرات کی کامیابی کے بعد فیض آباد کا دھرنا ختم کرنے کا فیصلہ کرلیا ہے۔
وزیر اعظم کے مشیر رانا ثنااللہ، وفاقی وزیر اطلاعات عطا اللہ تارڑ اور ٹی ایل پی رہنماؤں نے اسلام آباد میں مشترکہ پریس کانفرنس میں مذاکرات کی کامیابی کا اعلان کیا۔
رانا ثنا اللہ نے کہاکہ حکومت اور ٹی ایل پی کے درمیان یہ طے ہوا ہے کہ حکومت فلسطین کے مسلمانوں تک امداد پہنچانےکے حوالے اپنی کوششیں ج مزید تیز کرے گی۔
رانا ثنا اللہ نے کہا کہ فلسطینیوں پر اسرائیلی مظالم کی ہر فورم پر مذمت کی جائے گی، اسرائیلی وزیر اعظم نیتن یاہو دہشتگرد اور جنگی جرائم میں ملوث ہیں۔
انہوں نے کہا کہ ہم اقوام عالم سے مطالبہ کرتے ہیں کہ نیتن یاہو کو قانون اور انصاف کے کٹہرے میں لایا جائے۔
رانا ثنا اللہ نے کہا کہ حکومت اور ٹی ایل پی کے درمیان یہ بھی طے ہوا ہےکہ اسرائیلی کمپنیوں اور اسرائیل کی مدد کرنے والی کمپنیوں کا بائیکاٹ کیا جائے گا۔
انھوں نے کہا یہ بھی کہا کہ وفاقی حکومت عافیہ صدیقی کی رہائی کی کوششوں میں تیزی لائے گی۔
