سعودی عرب میں گزشتہ 3 روز دوران 17 افراد کو سزائے موت دی گئی ، خبر ایجنسی کا کہنا ہے کہ سعودی عرب میں رواں سال سزائے موت دیئے جانے والے مجرمان کی تعداد 239 تک پہنچ گئی ،گزشتہ سال 338 افراد کو سزائے موت دی گئی تھی ۔
ریاض: غیر ملکی خبررساں ایجنسی کے مطابق سعودی عرب میں آج 2 سعودی شہریوں کو دہشت گردی کے جرم میں سزائے موت دی گئی، جبکہ ہفتے اور اتوار کو 15 افراد کو سزائے موت دی گئی تھی ۔
ہفتے اور اتوار کے روز جن افراد کو سزائے موت دی گئی ان میں اکثریت غیر ملکیوں کی تھی جنہیں منشیات کی سمگلنگ کے جرم میں سزائے موت دی گئی ۔
سعودی پریس ایجنسی کے مطابق ہفتے اور اتوار کو سزائے موت پانے والوں میں سے 13 افراد کو حشیش اسمگل کرنے اور ایک کو کوکین اسمگل کرنے کے جرم میں سزا دی گئی ۔
سعودی عرب میں گزشتہ سال ریکارڈ 338 افراد کو سزائے موت دی گئی تھی جبکہ رواں سال اب تک 239 افراد کو سزائے موت دی جاچکی ہے ۔
خبررساں ایجنسی کے مطابق رواں سال اب تک دی گئی سزاؤں میں سے 161 منشیات سے متعلق جرائم میں دی گئیں جبکہ سزائے موت پانے والے افراد میں 136 افراد غیر ملکی شہری ہیں ۔
