وفاقی حکومت نے لیفٹیننٹ جنرل (ر) محمد سعید کو چیئرمین واپڈا تعینات کردیا، اسٹیبلشمنٹ ڈویژن نے کابینہ کی منظوری کے بعد نوٹیفکیشن بھی جاری کردیا ۔
اسلام آباد: اسٹیبلشمنٹ ڈویژن نے وفاقی کابینہ کی منظوری کے بعد لیفٹیننٹ جنرل ( ر ) محمد سعید کی بطور چیئرمین واپڈا تعیناتی کا نوٹیفکیشن جاری کردیا ہے ۔
نوٹیفکیشن میں مزید کہا گیا ہے کہ نئے چیئرمین واپڈا کی تعیناتی کا اطلاق فوری طور پر ہوگا ۔
قبل ازیں وزیراعظم شہباز شریف سے لیفٹیننٹ جنرل ( ریٹائرڈ ) محمد سعید نے ملاقات کی، وزیراعظم نے انہیں چیئرمین واپڈا تعیناتی پر مبارکباد دی، اور نیک خواہشات کا اظہار کیا ۔
وزیراعظم نے کہا کہ امید ہے محمد سعید اپنے فرائض احسن طریقے سے سر انجام دیں گے، ملاقات میں نائب وزیراعظم و وزیر خارجہ محمد اسحٰق ڈار بھی شریک تھے ۔
