نوشہرہ: پتنگ بازی پر دفعہ 144نافذ

نوشہرہ میں پتنگ بازی پر دفعہ 144نافذ کر دی گئی ہے

نوشہرہ بھر میں پتنگ بازی اور اس کی خرید و فروخت پر دفعہ 144نافذ کر دی گئی ہے،پتنگ فروشیوں کی درجنوں دکانیں سیل کردی گئیں ہیں۔ڈپٹی کمشنر کی ہدایت پر اسسٹنٹ کمشنر نوشہرہ تنویر احمد اور ایڈیشنل اسسٹنٹ کمشنر نوشہرہ عبد القیوم خٹک نے نوشہرہ میں کاروائی کرتے ہوئے ہزاروں کی تعداد میں قاتل ڈور اورپتنگوں کو قبضہ میں لے لیا۔اس کے بعد ان سب کو آگ لگا دی۔میڈیا سے اس موقع پر اسسٹنٹ کمشنر نوشہرہ تنویر احمد نے گفتگو کرتے ہوئے کہا کہ صوبائی حکومت کے احکامات کی روشنی میں ضلعی انتظامیہ کی جانب سے پتنگ فروشوں کے خلاف کریک ڈاون جاری رہے گا۔ڈپٹی کمشنر کی طرف سے دفعہ 144 نافذ ہے۔سخت سے سخت کاروائی خلاف ورزی کرنے والوں کے خلاف عمل میں لائی جائے گی۔دکانداروں اور عوام سے اپیل کی جاتی ہے کہ پتنگ بازی کا شوق ترک کر دے اور دکاندار خرید وفروخت بند کر دیں۔