شمالی وزیرستان میں سیکیورٹی فورسز کی کارروائی میں 8 دہشت گرد ہلاک

شمالی وزیرستان میں سیکیورٹی فورسز نے کارروائی کر کے انتہائی مطلوب کمانڈر سمیت 8 دہشت گرد ہلاک  کر دئیے ہیں۔  پاک فوج کے شعبہ تعلقات عامہ کے مطابق سیکیورٹی فورسز نے  ضلع شمالی وزیرستان میں آپریشن کیا، آپریشن کے دوران فورسز سے فائرنگ کے تبادلے میں 8 دہشت گرد ہلاک ہوگئے۔

ترجمان پاک فوج کے مطابق آپریشن کے دوران ہائی ویلیوٹارگٹ دہشت گرد کمانڈر سحر جانان بھی ماراگیا، قانون نافذکر نے والے اداروں کو انتہائی مطلوب دہشت گرد سحرجانان 16مارچ کو میرعلی میں دہشت گرد حملے کی منصوبہ بندی میں ملوث تھا۔

آئی ایس پی آر کے مطابق سیکیورٹی فورسزملک سے دہشت گردی کی لعنت ختم کرنے کےلیے پرعزم ہے، تمام دہشت گردوں کو ختم کرنے کےلیے کلیئرنگ آپریشن جاری ہے۔