پاک فوج کے شعبہ اطلاعات کی جانب سے جاری بیان کے مطابق سیکیورٹی فورسز نے خیبر پختونخوا کے دو علاقوں میں خفیہ اطلاع پر آپریشنز کیے، جس میں بہارتی حمایت یافتہ 5 دہشتگرد ہلاک ہو گئے ہیں ۔
آئی ایس پی آر کے بیان کے مطابق سیکیورٹی فورسز نے بھارتی حمایت یافتہ فتنہ الخوارج کی موجودگی کی اطلاع پر پشاور میں آپریشن کیا، مؤثر کارروائی میں 4 خوارجہ دہشتگرد مارے گئے، ان میں خارجی حارث اور خارجی بصیر بھی شامل ہیں ۔
آئی ایس پی آر کا کہنا ہے کہ دوسری کارروائی شمالی وزیرستان میں ایک اور انٹیلی جنس بیسڈ آپریشن کے نتیجے میں مزید ایک خارجی مارا گیا ۔
ہلاک ہونے والے دہشتگردوںکے قبضے سے اسلحہ، گولیاں اور دھماکہ خیز مواد بھی برآمد ہوا، ہلاک دہشتگرد دہشتگردی کی متعدد کارروائیوں میں ملوث تھے ۔
آئی ایس پی آر نے مزید کہا ہے کہ سیکیورٹی فورسز ملک سے بھارتی اسپانسرڈ دہشتگردی کی لعنت کو ختم کرنے کے لیے پرعزم ہیں ۔
