بلوچستان کے علاقے ساران تنگی میں سکیورٹی فورسز کی دہشت گردوں کے خلاف آپریشن شعبان2 کے تحت کارروائیوں میں فتنہ الہندوستان کے 6 دہشت گرد ہلاک ہوگئے ۔
بلوچستان میں جاری آپریشنز سے متعلق سکیورٹی ذرائع نے بتایا کہ سکیورٹی فورسز نے ساران تنگی میں کارروائیاں کیں جس میں فتنہ الہندوستان کے6 دہشت گرد ہلاک ہوگئے ۔
سکیورٹی ذرائع کے مطابق سکیورٹی فورسزکی کاروائیوں کے دوران 9 مشتبہ افراد بھی گرفتار کیے گئے ، جن سے تفتیش جاری ہے ۔
سکیورٹی ذرائع کا کہنا ہےکہ فورسز نے خفیہ اطلاعات پر فتنہ الہندوستان کے دہشت گردوں کے خلاف کامیاب آپریشن کیا، ہلاک دہشت گردوں کےقبضے سے اسلحہ اورگولہ بارود بھی برآمد کیا گیا ۔
دوسری جانب صدر مملکت اور وزیراعظم نے ساران تنگی میں فتنہ الہندوستان کے6 دہشت گردوں کی ہلاکت پر سکیورٹی فورسزکو خراج تحسین پیش کیا ہے ۔
صدر مملکت آصف علی زرداری اور وزیراعظم شہبازشریف نے دہشت گردوں کے عزائم ناکام بنانے پر سکیورٹی فورسزکی بہادری اورپیشہ ورانہ مہارت کو سراہا ہے ۔
