اسلام آباد: وفاقی وزیر انفارمیشن ٹیکنالوجی شزہ فاطمہ خواجہ کا کہنا ہے کہ حکومت نوجوانوں کو جدید ٹیکنالوجی اور ڈیجیٹل مہارتوں سے آراستہ کرنے پر توجہ دے رہی ہے.
وفاقی وزیر کا کہنا تھا کہ ٹیکنالوجی کے شعبے میں خواتین کے لیے مساوی مواقع فراہم کیے جا رہے ہیں۔
اسلام آباد میں ہواوے گلوبل سروس سینٹر کے دورے کے موقع پر وفاقی وزیر انفارمیشن ٹیکنالوجی شزہ فاطمہ خواجہ میڈیا سے گفتگو کی۔
وفاقی وزیر نے کہا کہ مصنوعی ذہانت اور جدید ٹیکنالوجی کے شعبوں میں پاکستان کی استعداد بڑھانے کے لیے کام جاری ہے۔
ہواوے کے تعاون سے آئی ٹی اور ڈیجیٹل سکلز کے شعبے میں نئے مواقع پیدا کیے جا سکتے ہیں۔
انہوں نے کہا کہ 3 لاکھ افراد کو تربیت دینے کے لیے بھی ہواوے کا تعاون درکار ہے۔
وفاقی وزیر نے کہا کہ تربیت مکمل کرنے والے طلبہ ملک اور بیرونِ ملک خدمات انجام دے رہے ہیں۔
