بنگلہ دیش کی سابق وزیراعظم شیخ حسینہ واجد نے اپنے ملک واپس جانے کا اعلان کرتے ہوئے کہا ہے کہ وہ کسی بھی سازش یا رکاوٹ کے سامنے سر نہیں جھکائیں گی اور بہت جلد وطن واپس لوٹیں گی۔
غیرملکی خبر رساں ادارے کو دیے گئے انٹرویو میں شیخ حسینہ واجد نے کہا کہ وہ موت سے نہیں ڈرتیں اور ان کے خلاف سنائی جانے والی تمام سزائیں غیرقانونی اور سیاسی بنیادوں پر دی گئی ہیں۔
انہوں نے کہا کہ ماضی میں بھی ان کے خلاف کئی سازشیں کی گئیں، تاہم عوام نے انہیں پانچ مرتبہ اپنے ووٹ کی طاقت سے وزیراعظم منتخب کیا۔
واضح رہے کہ اگست 2024 میں عوامی احتجاجی تحریک کے نتیجے میں شیخ حسینہ واجد کی حکومت کا خاتمہ ہوگیا تھا، جس کے بعد وہ بھارت منتقل ہوگئی تھیں۔
