اسلام آباد کی انسداد دہشت گردی عدالت (اے ٹی سی) نے وزیراعلیٰ خیبر پختونخوا سہیل آفریدی اور دیگر رہنماؤں کے خلاف درج کیس میں مزید 4 گواہوں کے بیانات ریکارڈ کر لیے، جس کے بعد اس مقدمے میں بیانات قلمبند کروانے والے گواہان کی مجموعی تعداد 42 ہو گئی ہے ۔
اسلام آباد: انسداد دہشتگردی عدالت کے جج طاہر عباس سپرا نے 26 نومبر کے احتجاج سے متعلق درج مقدمے کی سماعت کی ۔
دورانِ سماعت پراسیکیوشن کے مزید 4 گواہ پیش ہوئے جن کے بیانات عدالت نے ریکارڈ کیے ۔
تھانہ سیکریٹریٹ میں درج اس مقدمے میں وزیراعلیٰ سہیل آفریدی سمیت 15 ہزار سے زائد نامعلوم افراد نامزد ہیں، جبکہ اس وقت عدالت میں 8 ملزمان کے خلاف ٹرائل جاری ہے ۔
عدالت نے کارروائی مکمل ہونے کے بعد کیس کی مزید سماعت 10 ستمبر تک ملتوی کر دی ۔
