اسلام آباد: ایڈیشنل رجسٹرار جوڈیشل سپریم کورٹ نذر عباس نے توہین عدالت کا شوکاز نوٹس عدالتإ عظمیٰ میں چیلنج کر دیا ۔
ایڈیشنل رجسٹرار جوڈیشل نے توہین عدالت کی کارروائی پر حکم امتناع کی درخواست بھی دائر کر دی، سپریم کورٹ نے نذر عباس کی انٹرا کورٹ اپیل پر 6 رکنی بنچ تشکیل دے دیا ۔
جسٹس جمال خان مندو خیل کی سربراہی میں بنچ تشکیل دیا گیا ہے، بنچ کے دیگر ججز میں جسٹس محمد علی مظہر، جسٹس اطہر من اللہ، جسٹس حسن اظہر رضوی، جسٹس شاہد وحید اور جسٹس مسرت ہلالی شامل ہیں ۔
سپریم کورٹ نے ایڈیشنل رجسٹراز جوڈیشل نذر عباس کی انٹرا کورٹ اپیل 27 جنوری کو سماعت کیلئے مقرر کر دی، 6 رکنی لارجر بنچ انٹرا کورٹ اپیل پر سماعت کرے گا ۔
یاد رہے کہ چند روز قبل سپریم کورٹ نے ایڈیشنل رجسٹرار جوڈیشل نذر عباس کو سنگین غلطی کا مرتکب قرار دیتے ہوئے عہدے سے ہٹا دیا تھا ۔
