صوابی کے علاقے چهوٹا لاہور میں پولیس نے ایک 70 سالہ شخص کو مبینہ طور پر 15 سالہ کم عمر لڑکی سے نکاح کرنے کی کوشش کے الزام میں گرفتار کر لیا۔
پولیس کے مطابق، ملزم کم عمر لڑکی سے نکاح کرنا چاہتا تھا، جبکہ یہ بھی دعویٰ کیا گیا ہے کہ لڑکی کے والدین اس رشتے پر رضامند اور اس عمل میں شریک تھے۔
اطلاع ملنے پر لیڈی کانسٹیبل سمیت پولیس کی ایک ٹیم موقع پر پہنچی۔ ابتدائی تحقیقات کے دوران معلوم ہوا کہ لڑکی کم عمر ہونے کے ساتھ ساتھ بولنے اور سننے کی صلاحیت سے بھی محروم ہے۔
پولیس نے 70 سالہ شخص کے خلاف مقدمہ درج کرکے اسے گرفتار کر لیا ہے۔ پولیس حکام کے مطابق واقعے کی مزید قانونی کارروائی جاری ہے۔
