Latest Urdu news from Pakistan - Peshawar, Lahore, Islamabad

ٹی 20 ورلڈ کپ 2024،پاکستان کا 15 رکنی اسکواڈ فائنل کرلیا گیا

آئی سی سی ٹی 20 ورلڈ کپ 2024 کے لیے پاکستان کرکٹ ٹیم کا 15 رکنی اسکواڈ فائنل کر لیا گیا ہے۔

آئی سی سی ٹی ٹوئنٹی ورلڈ کپ 2024 یکم جون سے امریکا اور ویسٹ انڈیز کی مشترکہ میزبانی میں کھیلا جائے گا۔ جس میں ریکارڈ 20 ٹیمیں شرکت کریں گئی۔میگا ایونٹ کے لیے پاکستان کے علاوہ دیگر تمام ٹیموں نے اپنے اسکواڈز کے اعلان کر دیے ہیں۔پاکستانی ٹیم کے حتمی 15 رکنی اسکواڈ کا اعلان انگلینڈ کے خلاف 22 مئی کو پہلے ٹی 20 میچ کے بعد ہوگا تاہم ذرائع کے مطابق ورلڈ کپ کے لیے گرین شرٹس کا 15 رکنی اسکواڈ فائنل کر لیا گیا ہے۔

اعلامیہ کے مطابق پاکستان کے 15 رکنی اسکواڈ میں 5 فاسٹ بولرز، 4 آل راؤنڈرز، 2 وکٹ کیپرز بیٹر، 3 مستند بلے باز اور ایک اسیپلسٹ اسپنر شامل کیے گئے ہیں۔ذرائع کے مطابق اس میگا ایونٹ میں بابر اعظم ٹیم کی قیادت کریں گے جبکہ صائم ایوب، عثمان خان، فخر زمان اور محمد رضوان بطور اوپنر اور ٹاپ آرڈر شامل کیے گئے ہیں۔

مڈل آرڈر میں وکٹ کیپر بیٹر اعظم خان اور افتخار احمد کے ساتھ آل راؤنڈر شاداب خان اور عماد وسیم کو رکھا گیا ہے۔فاسٹ بولنگ اٹیک شاہین شاہ آفریدی، محمد عامر، حارث رؤف، نسیم شاہ اور عباس آفریدی پر مشتمل ہوگا جبکہ 15 رکنی اسکواڈ میں مسٹری اسپنر ابرار احمد کا نام بھی شامل کیا گیا ہے۔

ذرائع کے مطابق پاکستان کے 15 رکنی اسکواڈ کے ساتھ تین کھلاڑی ٹریولنگ ریزرو کے طور پر سفر کریں گے جن میں سلمان علی آغا، حسن علی اور عرفان نیازی شامل ہیں۔یاد رہے کہ پاکستان کرکٹ بورڈ نے دورہ آئرلینڈ سے قبل ٹی ٹوئنٹی ورلڈ کپ کے لیے قومی ٹیم کی کِٹ کی رونمائی کی تھی جس میں جرسی کو ’میٹرکس جرسی 2024‘ کا نام دیا گیا تھا۔

جواب چھوڑیں

آپ کا ای میل ایڈریس شائع نہیں کیا جائے گا.