آئی سی سی ٹی ٹوئنٹی ورلڈکپ کے پانچویں میچ میں انگلینڈ نے سنسنی خیز مقابلے کے بعد نیپال کو 4 رنز سےشکست دے دی ، ایونٹ کے چھٹے میچ میں سری لنکا نے آئرلینڈ کو 20 رنز سے ہرادیا ۔
ممبئی میں کھیلے گئے ٹی ٹوینٹی ورلڈ کے پانچویں میچ انگلینڈ نے پہلے کھیلتے ہوئے مقررہ اوورز میں 7 وکٹ پر 184 رنز بنائے ، جس میں سب سے زیادہ جیکب بیتھیل نے 55 جبکہ ہیری بروک 53 رنز بنا سکے ۔
مقررہ ہدف کے تعاقب میں نیپال کی ٹیم نے شاندار کھیل کا مظاہرہ کیا تاہم 180 رنز پر ہمت ہار گئی ، نیپال کی جانب سے ڈپینڈرا سنگھ 44، روہت پوڈیل اور لوکیش بیم نے 39، 39 رنز کی اننگز کھیلی ۔
دوسری جانب کولمبو میں کھیلے گئے ایونٹ کے چھٹے میچ میں سری لنکا نے آئرلینڈ کو 20 رنز سے ہرا دیا ۔
سری لنکا نے پہلے کھیلتے ہوئے مقررہ اوورز میں 6 وکٹوں کے نقصان پر 163 رنز بنائے ، جس میں سب سے زیادہ کوسال مینڈس 56 اور کمنڈو مینڈس نے جارحانہ 44 رنز بنائے ۔
مقررہ ہدف کے تعاقب میں آئرلینڈ کی پوری ٹیم آخری اوور میں 143 رنز بناکر آوٹ ہو گئی، سری لنکا کی جانب سے مہیش تھیکشانہ اور ونیندو ہسا رنگا نے 3،3 وکٹیں حاصل کیں ۔
