سری لنکا اور بھارت میں جاری ٹی 20 ورلڈ کپ میں آج بھی 3 میچز کھیلے گئے ، جنوبی افریقہ نے نیوزی لینڈ کو 7 وکٹو سے شکست دیدی، انگلینڈ نے سکاٹ لینڈ اور آئرلینڈ نے عمان کو ہرادیا ۔
احمد آباد میں کھیلے گئے میچ میں نیوزی لینڈ نے پہلے کھیلتے ہوئے جنوبی افریقہ کو جیت کیلئے 176 رنز کا ہدف دیا، نیوز لینڈ کی جانب سے سب سے زیادہ مارک چیمپین نے 48 رنز بنائے ، جنوبی افریقہ کی جانب سے مارکو جانسن نے 4 وکٹیں حاصل کیں ۔
جنوبی افریقہ نے مطلوبہ ہدف 17 ویں اوور میں 3 وکٹوں کے نقصان پر پورا کرکے مسلسل تیسری کامیابی حاصل کرلی ، افریقہ کی جانب سے کپتان ایڈن مرکرم نے سب سے زیادہ 86 رنز بنائے اور ناٹ آوٹ رہے ۔
اس سے قبل کھیلے گئے میچ میں انگلینڈ نے سکاٹ لینڈ کا 153 رنز کا ہدف 19 ویں اوور میں 5 وکٹوں کے نقصان پر پورا کرکے کامیابی حاصل کی ۔
انگلینڈ کی جانب ٹام بینٹن نے شاندار بیٹنگ کرتے ہوئے ناقابل شکست 63 رنز کی اننگز کھیلی اور میچ کے بہترین کھلاڑی قرار دیئے گئے ۔
میگا ایونٹ کے 22ویں میچ میں آئرلینڈ نے شاندار کامیابی حاصل کی ، آئرلینڈ نے پہلے کھیلتے ہوئے 235 رنز بنائے ، جس کے تعاقب میں عمان کی پوری ٹیم 139 رنز پور ڈھیر ہو گئی اور یوں آئرلینڈ نے عمان کو 96 رنز سے ہرادیا ۔
شاندار بیٹنگ پر آئرلینڈ کے بیٹر لوکر ٹکر کو میچ کا بہترین کھلاڑی قرار دیا گیا ۔
