مردان کے رہائشی لاپتہ نوجوان راشد خان کو عوامی نیشنل پارٹی پنجاب کے صوبائی جنرل سیکرٹری امیر بہادر خان ہوتی کی کوششوں سے تلاش کرنے کے بعد بحفاظت ان کے والدین کے حوالے کر دیا گیا ۔
لاہور: تخت بھائی کے رہائشی طالب علم راشد خان کی گمشدگی کی اطلاع ملتے ہین اے این پی پنجاب کے جنرل سیکریٹری امیر بہادر خان ہوتی نے فوری طور پر متعلقہ تھانوں، ہسپتالوں اور حکومتِ پنجاب کے اعلیٰ حکام سے رابطے شروع کیے ۔
امیر بہادر خان کی کوششوں ،مسلسل رابطوں اور صوبے میں مختلف اداروں کے تعاون سے نوجوان کی بحفاظت بازیابی ممکن ہوئی ۔
اس موقع پر امیر بہادر خان ہوتی نے تمام متعلقہ اداروں، دوستوں اور سماجی کارکنوں کا شکریہ ادا کیا جنہوں نے اس انسانی ہمدردی کے کام میں حصہ لیا ۔
بعد ازاں بازیاب ہونے والے طالب علم راشد خان نے اپنی بحفاظت بازیابی پر امیر بہادر خان ہوتی، خیبر نیوز اور وحدت کالونی تھانے کی پولیس کا خصوصی شکریہ ادا کیا ۔
انہوں نے کہا کہ مسلسل کاوشوں اور تعاون کی بدولت وہ دوبارہ اپنے خاندان سے ملنے میں کامیاب ہوئے، آخر میں اللہ تعالیٰ کا شکر ادا کیا گیا کہ راشد خان بحفاظت اپنے والدین کے پاس پہنچ گئے ۔
