اسلام آباد: وزارت اطلاعات کے فیکٹ چیکر نے طالبان رجیم کا خیبر پختونخوا، بلوچستان میں مبینہ داعش خراسان کے کیمپوں کو نشانہ بنانے کا دعویٰ بے بنیاد قرار دے دیا۔
وزارت اطلاعات کے فیکٹ چیکر نے طالبان رجیم کے دعوے کی قلعی کھول دی۔
طالبان رجیم کا ابتدائی نوعیت کا ڈرون شینکو، خیبر کے قریب پاکستانی فضائی حدود میں آیا۔
پاک فضائیہ کے مؤثر فضائی دفاعی نظام نے ڈرون کو فوری شناخت کر کے غیر مؤثر بنا دیا۔
درحقیقت داعش و دیگر دہشتگرد تنظیموں کے کیمپ و مراکز طالبان کے زیرِ کنٹرول علاقوں میں ہیں۔
جھوٹے اور مذموم بیانات جاری کرنا افغان طالبان رجیم کا وطیرہ ہے۔
طالبان رجیم پڑوسی ممالک اورخطے میں دہشت گردی کی سرپرستی کر رہی ہے اور اپنے عوام کو بنیادی حقوق دینے سے قاصر ہے۔
