آئی ایس پی آرکے مطابق بلوچستان کےضلع قلعہ عبداللہ کےعلاقےگلستان میں خوارجیوں نے چیک پوسٹ پرحملہ کیا۔ خوارجیوں نےدھماکہ خیزمواد سے لدی گاڑی چیک پوسٹ کی دیوارسے ٹکرا دی۔
پاک فوج کے شعبہ برائےتعلقاتِ عامہ آئی ایس پی آرکی جانب سے جاری بیان میں کہا گیا کہ سیکیورٹی فورسزنےبروقت کارروائی کرتے ہوئےحملہ ناکام کردیا۔ کارروائی میں دوخود کش بمباروں سمیت 5 خوارج مارے گئے۔
ترجمان پاک فوج کےمطابق چیک پوسٹ پرحملے کے نتیجے میں نائک طاہرخان اورلانس نائیک طاہر اقبال بہادری سے لڑتے ہوئےشہید ہوگئے۔
آئی ایس پی آرکا کہنا ہے کہ علاقے میں علاقے میں کسی ممکنہ خوارج کے خاتمے کیلئے سینی ٹائزیشن آپریشن بھی کیا گیا۔ اس گھناؤنے فعل کےمرتکب افرادکوانصاف کےکٹہرے میں لایا جائے گا۔
ترجمان پاک فوج کے مطابق سیکیورٹی فورسزدہشت گردی کے خاتمے کے لئےعزم ہیں۔ جوانوں کی یہ قربانیاں ہمارے عزم کو تقویت دیتی ہی۔
صدرمملکت آصف زرداری نے فورسزکو قلعہ عبد اللہ میں سیکیورٹی پوسٹ پرحملہ ناکام بنانے پرخراج تحسین کیا اورفتنۃ الخوارج کیخلاف موثرجوابی کارروائی پرفورسزکو سراہا۔
صدرمملکت نے شہداکے اہل خانہ سے اِظہارتعزیت بھی کیا اوران کے اہلِ خانہ کےلیےصبرجمیل کی دعا کی۔ صدرآصف زرداری نے اپنے پیغام میں دہشت گردی کےمکمل خاتمے، ملکی سلامتی کے تحفظ کے عزم کا اعادہ کرتے ہوئے کہا کہ بہادر سیکیورٹی فورسزملکی دفاع کے لیے ہمہ وقت تیارہیں۔
وزیراعظم محمد شہباز شریف نے بلوچستان کےضلع قلعہ عبداللہ کےعلاقے گلستان میں 5 خارجیوں کو ہلاک کرنے پرسیکیورٹی فورسزکو خراجِ تحسین پیش کیا۔ وزیرداخلہ محسن نقوی نےخوارجی دہشتگردوں کا حملہ ناکام بنانے پرسکیورٹی فورسزکوخراج تحسین پیش کیا۔ محسن نقوی نے کہا کہ خوارجی دہشتگردوں کا حملہ پسپا کرنے پرسکیورٹی فورسزکو شاباش دیتے ہیں، فورسز نے بروقت کارروائی کرکے 5 خوارجی دہشتگردوں کو جہنم واصل کیا۔
