خیبرپختونخوا ہاؤس میں گورنر کیلئے مختص بلاک کو ختم کردیا گیا ہے۔
خیبرپختونخوا کابینہ نے خیبرپختونخوا ہاؤس اسلام آباد میں گورنر کیلئے مختص کیا گیا بلاک ختم کردیا ہے۔مشیر اطلاعات خیبرپختونخوا بیرسٹر سیف کے مطابق خیبرپختونخوا ہاؤس میں گورنر کیلئے مختص بلاک ختم کردیا گیا،صوبائی کابینہ کے گزشتہ اجلاس میں یہ فیصلہ کیا گیا تھا۔
بیرسٹرسیف کے مطابق کابینہ میں وزراء، ممبران اسمبلی کیلئے رہائش کا مسئلہ درپیش تھا، گورنر انیکسی فی الحال ایم پی ایز اور وزراء استعمال کریں گے۔ گورنر کیلئے کے پی ہاؤس میں متبادل رہائش کا بندوبست کیا جائے گا۔ گورنر فی الحال سندھ ہاؤس میں قیام کا بندوبست کریں۔مزید مشیراطلاعات خیبرپختونخوا نے کہا ہےکہ گورنر کے اسلام آباد میں کئی گھر ہیں،ان کیلئے رہائش کی کمی نہیں ہے، گورنر فیصل کریم کنڈی دل نہ ہاریں، ان کا داخلہ کے پی ہاؤس میں بند نہیں کریں گے۔
