کوریامیں ہر جگہ اذان کی آواز سنائی دےگئی۔کورین گلوکار نے مسجد بنانے کا اعلان کر دیا ہے
چند سال پہلے دائرہ اسلام میں داخل ہونے والے جنوبی کورین یوٹیوبر اور گلوکار کم داؤد نے کوریا میں مسجد بنانے کا اعلان کر دیا ہے۔مسجد کی تعمیر کیلئے خریدی گئی زمین اور کاغذات کی تصاویر انسٹاگرام پر شیئر کرتے ہوئے کم داؤد نے جنوبی کوریا کے انچیون میں مسجد کی تعمیر کا اعلان کیا۔کم داؤد کو شیئر کی گئی تصاویر میں ہاتھ میں مسجد کے کاغذات تھامے تو اس کے ساتھ ہی کہیں مسجد کیلئے خریدی گئی زمین پر ہاتھ پھیلائے سکون محسوس کرتے دیکھا جا سکتا ہے۔
کم داؤد کی طرف سے شیئر کی گئی پوسٹ کے کیپشن میں درج تھا کہ آخرکار میں نے آپ کے تعاون سےانچیون میں مسجد کی تعمیر کے لیے زمین کا معاہدہ کرلیا ہے، اس جگہ کو جلد ہی مسجد میں تبدیل کردیا جائے گا، یقین نہیں آتا کہ یہ دن آ گیا ہے۔کم داؤد نے لکھا ہے کہ جنوبی کوریا کے شہریوں کے لیے ایک مسجد اور ایک اسلامی پوڈ کاسٹ اسٹوڈیو بنانے کا ارادہ رکھتا ہوں، یقیناً یہ ایک بہت بڑا اقدام ہے جس کو شکل دینے کے لئےبہت سی مشکلات بھی درپیش ہوں گی لیکن مجھے یقین ہے کہ میں یہ کر سکتا ہوں۔مزید انھوں نے لکھا کہ ایک ایسا دن آئے گا جب کوریا کی ہر گلی میں خوبصورت اذان کی آواز سے بھر جائے گی میں جس کیلئےاپنی پوری کوشش کروں گا۔یادرہے کہ ستمبر 2019ء میں کم داؤد نےاسلام قبول کرنے کا اعلان کیا تھا،کم داؤد کو ’کم کیون وو‘ اور ’جے کم‘ کے نام سے بھی جانا جاتا ہے۔
