Latest Urdu news from Pakistan - Peshawar, Lahore, Islamabad

کولاراڈو کی سپریم کورٹ نے ڈونلڈ ٹرمپ کو صدارتی الیکشن کےلیے نااہل قراردے دیا

امریکا کی سیاسی تاریخ میں نئی تاریخ رقم ہو گئی اور  ریاست کولوراڈو کی عدالت نے سابق امریکی صدر ڈونلڈ ٹرمپ کو الیکشن کے لیے نااہل قرار دے دیا۔

تفصیلات کے مطابق کیپیٹل ہل پرحملہ ٹرمپ کو مہنگا پڑگیا۔ کولاراڈوکی سپریم کورٹ نے ڈونلڈ ٹرمپ کو صدارتی الیکشن کےلیے نااہل قراردے دیا۔ عدالتی فیصلے میں کہا گیا ہے کہ کیپیٹل ہل پرحملے میں ملوث ہونے کی وجہ سے ڈونلڈ ٹرمپ امیدوار بننے کےاہل نہیں۔

عدالت نے اپنے فیصلے میں کہا کہ سابق صدر نے 6 جنوری 2021 کو اپنے حامیوں کے ذریعے حملہ کرایا،کیپٹل ہل پر حملے میں ملوث ہونےکے باعث ٹرمپ صدارتی امیدوار بننے کے اہل نہیں۔

واضح رہے کہ ڈونلڈ ٹرمپ نااہلی کا سامنا کرنے والے امریکی تاریخ کے پہلے صدارتی امیدوار ہیں، تاہم وہ 4 جنوری تک فیصلے کے خلاف اپیل کا حق رکھتے ہیں۔

ڈونلڈ ٹرمپ نے فیصلے کو غیرجمہوری قرار دے دیتے ہوئے فیصلے کیخلاف امریکی سپریم کورٹ جانے کا اعلان کردیا۔ امریکی عدالت کی جانب سے صدارتی امیدوار کی 1868 کی شق کے تحت نااہلی کو تاریخی لمحہ قراردیا جارہا ہے۔

جواب چھوڑیں

آپ کا ای میل ایڈریس شائع نہیں کیا جائے گا.