وفاقی حکومت نے پیٹرولیم مصنوعات کی قیمتوں میں اضافے کا اعلان کردیا، وزارت خزانہ کی جانب سے باقاعدہ نوٹیفکیشن بھی جاری کردیا گیا ۔
اسلام آباد: وفاقی حکومت نے آئندہ 15 روز کے لیے پیٹرولیم مصنوعات کی قیمتوں میں اضافے کا اعلان کردیا، وزارت خزانہ کی جانب سے جاری نوٹیفکیشن کے مطابق پیٹرول کی قیمت میں 4 روپے 80 پیسے فی لیٹر کا اضافہ کیا گیا ہے جس کے بعد پٹرول کی فی لٹر قیمت 258 روپے 45 پیسے ہو گئی ۔
نوٹی فکیشن کے مطابق ہائی سپیڈ ڈیزل 7 روپے 95 پیسے فی لیٹر مہنگا کردیا گیا جس کے بعد اس کی نئی قیمت فی لٹر 262 روپے 59 پیسے ہو گئی ۔
نوٹیفکیشن میں مزید کہا گیا کہ پیٹرولیم مصنوعات کی نئی قیمتوں کا اطلاق رات 12 بجے سے ہو گیا ہے ۔
نئی قیمتوں کا اطلاق 16 جون سے 30 جون تک ہوگا، واضح رہے اسرائیل اورایران کے درمیان جاری جنگ کے دوران عالمی منڈی میں تیل کی قیمتوں میں اضافہ دیکھا گیا تھا ۔
