وزارت خزانہ نے خیبرپختونخوا کو جاری فنڈز کے حوالے سے دستاویز جاری کردی، خیبر پختونخوا حکومت کو 15 سال میں وفاق سے 8 ہزار 400 ارب روپے سے زائد فراہم کئے گئے ہیں ۔
اسلام آباد: وفاقی وزارت خزانہ کی جانب سے جاری دستاویز کے مطابق دستاویز کے مطابق خیبر پختونخوا حکومت کو 15 سال میں وفاق سے 8 ہزار 400 ارب روپے سے زائد ملے ۔
وزارت خزانہ کے مطابق 2010 سے این ایف سی کے تحت خیبر پختونخوا حکومت کو 5 ہزار 867 ارب روپے ادا کیے گئے، این ایف سی کے تحت صوبوں کو ہر 15 دن میں فنڈز ملتے ہیں اور خیبر پختونخوا حکومت کے کوئی بقایا جات نہیں ہیں ۔
دستاویز میں بتایا گیا ہے کہ 17 دسمبر دو ہزار پچیس سے خیبر پختون خوا حکومت کو 46ارب روپے سے زائد جاری ہوئے، 2010 سے دہشت گردی کے اضافی بوجھ پر خیبر پختونخوا حکومت کو ایک فیصد اضافی فنڈ دیے گئے ، اب تک اس مد میں 705 ارب روپے دیے گئے ۔
وزارت خزانہ کے دستاویز کے مطابق نئے ضم شدہ اضلاع کیلئے وفاق نے اپنے حصے سے 2019 سے اب تک 704 ارب روپے منتقل کیے ۔
خیال رہے کہ وزیر اعلیٰ خیبر پختون خوا سہیل آفریدی نے کہا تھا کہ وفاق سے صوبے کو صرف 2200 ارب روپے ملے ہیں ۔
