وفاقی حکومت نے پیٹرول کی قیمت میں فی لیٹر 4 روپے کمی جبکہ ڈیزل کی قیمت برقرار رکھنے کا اعلان کردیا، نئی قیمتوں کا نوٹی فکیشن بھی جاری کردیا گیا ۔
اسلام آباد: پیٹرولیم ڈویژن سے جاری نوٹیفکیشن کے مطابق حکومت نے 6 جون سے شروع ہونے والے اگلے ہفتے کے لیے پیٹرولیم مصنوعات کی نئی قیمتوں کا اعلان کردیا ۔
نوٹیفکیشن کے مطابق پیٹرول کی فی لیٹر قیمت میں 4 روپے کمی کردی گئی ہے جس کے بعد پیٹرول کی فی لیٹر نئی قیمت 377 روپے 78 پیسے مقرر کی گئی ہے ۔
پٹرولیم ڈویژن کے نوٹی فکیشن کے مطابق حکومت نے ڈیزل کی قیمت میں کوئی ردوبدل نہیں کی اور اس کی فی لیٹر 380 روپے 78 پیسے برقرار رکھے ہیں ۔
پٹرولیم مصنوعات کی نئی قیمتوں کا اطلاق رات 12 بجے سے ہو گیا ہے جو اگلے جمعے تک نافذالعمل ہو گا ۔
واضح رہے کہ وفاقی حکومت نے گزشتہ ہفتے پیٹرول اور ڈیزل کی فی لیٹر قیمت بالترتیب 22،22 روپے کی کمی کردی تھی ۔
