وفاقی حکومت نے ڈیزل اور پٹرول کی قیمتوں میں مزید اضافہ کردیا ، اس حوالے سے پٹرولیم ڈویژن نے 31 جولائی تک کیلئے نوٹی فکیشن بھی جاری کردیا ۔
اسلام آباد: پیٹرولیم ڈویژن نے 31 جولائی کےلیے پیٹرول اور ڈیزل کی قیمت کا نوٹیفکیشن جاری کرتے ہوئے اس کی قیمت میں ایک بار پھر اضافہ کردیا ۔
پٹرولیم ڈویژن کی جانب سے جاری نوٹیفکیشن کے مطابق ڈیزل 2 روپے 42 پیسے فی لیٹر مہنگا کردیا گیا جس کے بعد ڈیزل کی نئی قیمت 394 روپے 4 پیسے مقرر کردی گئی ہے
نوٹی فکیشن کے مطابق پیٹرول 1 روپے 9 پیسے فی لیٹر مہنگا کیا گیا ہے،اضافے کے بعد پیٹرول کی نئی قیمت 336 روپے 15 پیسے فی لیٹر مقرر کی گئی ہے ۔
یاد رہے کہ حکومت نے گزشتہ روز ڈیزل کی قیمت میں 2 روپے24 پیسے اضافہ کیا تھا جبکہ پیٹرول کی قیمت میں 75 پیسے فی لیٹرکمی کی گئی تھی ۔
