محکمہ موسمیات نے خیبرپختونخوا میں بارشوں کے نئے سلسلے کی نوید سنا دی ہے۔
محکمہ موسمیات کے مطابق رواں ہفتے صوبے کے مختلف علاقوں میں بارشوں کے ساتھ تیز آندھی چلنے کا بھی امکان ظاہر کیا گیا ہے۔خیبرپختونخوا کے سیاحتی مقامات مری، گلیات اور گردونواح میں گرج چمک کے ساتھ بارش متوقع ہے۔دوسری جانب صوبہ کے بالائی اضلاع دیر، سوات، مالاکنڈ، بونیر، مانسہرہ، ایبٹ آباد، کرم سمیت آزاد کشمیر اور گلگت بلتستان میں بھی چند مقامات پر بادل تیز ہواوں کے ساتھ جم کر برسیں گے۔واضح رہے کہ محکمہ موسمیات کی طرف سے خیبرپختونخوا میں بارشوں کی ایک بار پھر سے نوید سنا دی گئی ہے.
