علی امین گنڈاپور اور ہشام انعام کے کاغذات جمع ہو گئے ہیں۔کل وزیراعلی کا انتخاب ہوگا
کل وزیراعلی خیبر پختونخوا کا انتخاب ہوگا۔ اجلاس جس کیلئے کل صبح دس بجے تک ملتوی کر دیا گیا ہے۔
ذرائع کے مطابق وزیراعلیٰ کے انتخاب کے حوالے سے سپیکر بابر سلیم سواتی نے نئے قائد ایوان کے انتخابات کے شیڈول کا اعلان کر دیا۔وزیراعلیٰ کیلئے شیڈول کے مطابق کل ووٹنگ کی جائیگی۔نامزد امیدوار رات 11 بجے تک کاغذات واپس لے سکتے ہیں۔
اعلامیہ کے مطابق سپیکر بابر سلیم سواتی کے مطابق کل یکم مارچ کو نئے وزیر اعلی کا انتخاب ہوگا۔
اس حوالے سے ذرائع کے مطابق نامزد وزیر اعلی علی امین گنڈاپور نے وزارت اعلیٰ کے منصب کیلئے کاغذات جمع کرا دیئے ہیں۔اعلامیہ کے مطابق وزارت اعلیٰ کیلئے اپوزیشن کی جانب سے کاغذات نامزدگی ہشام انعام اللہ خان نے جمع کرادئے ہیں۔
