پاک بحریہ نے میری ٹائم سکیورٹی ایجنسی کے ساتھ بروقت اور مربوط ہنگامی کارروائی کرتے ہوئے اورماڑہ کے مشرق میں ڈوبنے والےکارگو جہاز سے 20 پاکستانی عملےکے ارکان کو بحفاظت ریسکیو کرلیا ۔
پاک فوج کے شعبہ تعلقات عامہ کی جانب سے جاری بیان کے مطابق جوائنٹ میری ٹائم انفارمیشن کوآرڈینیشن سینٹر میں موصول ہنگامی اطلاع پر کارروائی کی گئی، پی این ایس حنین اور ضروری فضائی وسائل کو فوری کارروائی کے لیے روانہ کیا گیا ۔
آئی ایس پی آر کی جانب سے مزید بتایا گیا کہ ریسکیو اہلکاروں کی پیشہ ورانہ مہارت کے باعث متاثرہ جہاز میں سوار تمام 20 افراد کو بچایا گی ۔
آئی ایس پی آر کا کہنا ہےکہ ریسکیو کیےگئے تمام افراد کو ضروری طبی امداد فراہم کی گئی،کامیاب آپریشن پاک بحریہ اور میری ٹائم ایجنسی کے انسانی جانوں کے تحفظ کے عزم کا ثبوت ہے، یہ آپریشن ہر وقت سمندری ہنگامی صورتحال سے نمٹنےکی مکمل تیاری کا مظہر ہے ۔
