ٹانک: گومل کے علاقے میں ایف سی ساؤتھ کی پوسٹوں پر مبینہ کواڈکاپٹر حملہ ہوا، جس کے نتیجے میں علاقے میں شدید ہلچل مچ گئی۔
حملے کے دوران دو ایف سی جوان شہید جبکہ نو دیگر زخمی ہوئے۔ زخمیوں اور شہداء کو فوری طور پر قریبی ہسپتال منتقل کر دیا گیا ہے جہاں ان کا علاج اور معائنہ جاری ہے۔
سیکیورٹی ذرائع کے مطابق یہ حملہ گومل کے علاقے مرتضیٰ میں قائم پوسٹوں کو نشانہ بنا کر گزشتہ رات کیا گیا۔
حملے کے فوری بعد سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے تاکہ مزید خطرات کو روکا جا سکے اور علاقے کی سیکیورٹی کو یقینی بنایا جا سکے۔
