وفاقی حکومت نے آزاد جموں و کشمیر پولیس میں اعلیٰ سطح پر تبدیلی کرتے ہوئے کیپٹن (ر) لیاقت علی ملک کو نیا آئی جی تعینات کر دیا ہے۔اسٹیبلشمنٹ ڈویژن کی جانب سے تعیناتی کا نوٹیفکیشن جاری کر دیا گیا۔
نوٹیفکیشن کے مطابق، کیپٹن (ر) لیاقت علی ملک جو اس سے قبل حکومتِ پنجاب کے زیرسایہ اہم فرائض سرانجام دے رہے تھے، اب اپنی نئی ذمہ داریاں سنبھالنے کے لیے آزاد کشمیر روانہ ہوں گے۔
لیاقت علی ملک کا شمار پولیس سروس کے تجربہ کار اور فرض شناس افسران میں ہوتا ہے۔ پنجاب میں اپنی تعیناتی کے دوران انہوں نے امن و امان کے قیام اور پولیس اصلاحات کے حوالے سے نمایاں کارکردگی دکھائی۔ وہ جلد ہی مظفر آباد میں اپنے عہدے کا چارج سنبھالیں گے ۔
