امریکی صدر ڈونلڈ ٹرمپ نے امکان ظاہر کیا ہے کہ امریکہ اسرائیل اور ایران کے درمیان جاری جنگ میں شامل ہوسکتا ہے ۔
امریکی ٹی وی کی سینیئر صحافی ریچل سکاٹ سے آف کیمرا گفتگو کرتے ہوئے امریکی صدر ڈونلڈ ٹرمپ نے کہا کہ یہ ممکن ہے کہ ہم ایران اور اسرائیل کی اس لڑائی میں شامل ہو جائیں ۔
امریکی صدر ٹرمپ نے ساتھ یہ بھی واضح کیا کہ اس وقت امریکہ کسی فوجی کارروائی میں ملوث نہیں ہے ، تاہم ممکنہ طور پر ہم اس جنگ میں شامل ہو سکتے ہیں ۔
ٹرمپ نے اس بات پر آمادگی ظاہر کی کہ ایران اسرائیل جنگ میں روسی صدر ولادیمیر پیوٹن اگر ثالثی کا کردار ادا کریں تو وہ اس کے لیے کھلے دل سے تیار ہیں ۔
امریکی صدر کا مزید کہنا تھا کہ ایران کے جوہری پروگرام پر مذاکرات جاری ہیں اور ان کے بقول اب جب کہ ایران اور اسرائیل کے درمیان شدید فضائی حملے ہو رہے ہیں، ایران ممکنہ طور پر معاہدے کے لیے زیادہ آمادہ ہوگا ۔
