ویوین ڈیسینا نے کہا کہ اسلام رمضان میں قبول کیا،روزے6 سال سےرکھ رہاہوں
بھارتی ٹیلی ویژن کے معروف اداکار ر ویوین ڈیسینا نے کہا کہ اسلام رمضان میں قبول کیا اور درحقیقت یہ مہینہ میرے دل کے بہت قریب ہے۔بھارتی میڈیا کو 35 سالہ اداکار نے دیے گئے حالیہ انٹرویو میں بتایا کہ چند سال قبل میں نے رمضان کے مہینے میں ہی اسلام قبول کیا تھا اور یہ مہینہ یہی وجہ ہے کہ میرے دل کے بہت قریب ہے، یہ میرا دائرہ اسلام میں داخل ہونے کے بعد چھٹا رمضان ہے اور ہر سال اللہ کے فضل سے میں رمضان کے روزے رکھتا ہوں۔اداکار ویوین ڈیسینا کے مطابق مسلمانوں پر رمضان کے مہینے کے روزےفرض کیے گئے ہیں کیونکہ یہ اسلام کے5 بنیادی ستونوں میں سے ایک ہے، اس لیےاس وقت تک میں 30 روزے رکھتا ہوں جب تک بیماری جیسا عذر درپیش نہ ہو۔
اداکار نے کہا کہ میری کوشش ہوتی ہے کہ اپنی فیملی کے ساتھ رمضان کا مہینہ بحرین میں گزاروں، اس سے انکار نہیں کروں گا کہ شروع میں روزے رکھنا میرے لیے خاصا مشکل تھا کیوں کہ میں پانی اور کافی کے بغیر نہیں رہ سکتا لیکن اب میرےگھر والےاور دوست بھی سوچتے رہتے ہیں کہ میں 13 یا 14 گھنٹے تک پانی یا کافی کے بغیر کیسے رہ لیتا ہوں،میرے لیے اللہ کے فضل سےروزوں کا سفر آسان ہوگیا ہے۔یاد رہے کہ ویوین ڈیسینا نے 2013 میں واہ بیز دورابجی سے شادی کی تھی۔2017 میں جو ختم ہوگئی، انہوں نے 2022 میں مصری صحافی نورین علی سے شادی کی اور بھارتی میڈیا کے مطابق دونوں کی ایک بیٹی بھی ہے۔ویوین ڈیسینا بھارتی ٹیلی ویژن کے صرف تم، مدھوبالا، پیار کی ایک کہانی سمیت کئی مقبول ترین ڈراموں میں اداکاری کے جوہر دکھاچکے ہیں۔
