امریکا نے وینزویلا کے تیل کی باضابطہ فروخت کا آغاز کر دیا ہے۔ امریکی حکام کے مطابق وینزویلا کے تیل کی 500 ملین ڈالر مالیت کی پہلی سرکاری فروخت مکمل کر لی گئی ہے، جبکہ آئندہ دنوں میں مزید فروخت متوقع ہے۔
وائٹ ہاؤس کے ترجمان کے مطابق صدر ڈونلڈ ٹرمپ کی ٹیم تیل کی بڑی کمپنیوں کے ساتھ مذاکرات کر رہی ہے، جو وینزویلا کے تیل کے انفراسٹرکچر اور بنیادی ڈھانچے کی بحالی کے لیے سرمایہ کاری کرنے میں دلچسپی رکھتی ہیں۔
واضح رہے کہ امریکا نے 3 جنوری کو وینزویلا میں فوجی کارروائی کی تھی، جس کے دوران صدر نکولس مادورو اور ان کی اہلیہ سیلیا فلوریس کو گرفتار کر کے بعد ازاں امریکی عدالت میں پیش کیا گیا تھا۔
