اسلا م آباد: قائم مقام صدر سید یوسف رضا گیلانی نے کہا ہے کہ پاکستان سٹاک ایکسچینج میں عام شہریوں کی شرکت سے معاشی ترقی کے حصول کو تیز کیا جا سکتا ہے۔
اسلام آباد سٹاک ایکسچینج ٹاورز میں "فاؤنڈرز وال” کی نقاب کشائی کے موقع پر خطاب کرتے ہوئے انہوں نے کہا کہ معاشی استحکام کے لیے پالیسیوں کا تسلسل ضروری ہے۔
اپنے بانیوں کو یاد رکھنا ہی پختہ اداروں کی شناخت ہے۔
اسلام آباد سٹاک ایکسچینج میں "فاؤنڈرز وال” کا افتتاح اسی جذبے کی عکاسی کرتاہے۔
سٹاک ایکسچینج میں "فاؤنڈرز وال” کے افتتاح کے بعد قائم مقام صد ر یوسف رضا گیلانی نے کہاکہ بحیثیت وزیرِ اعظم انہیں اس ٹاور کی بنیاد رکھنے کا اعزاز حاصل ہے۔
ملک میں بچتوں کو قومی دولت میں بدلنے کے لیے سرمایہ کاری بازاروں میں آسانی اور جدت لانا ہو گی۔
انہوں نے کہا کہ پارلیمنٹ سرمایہ کاروں کے مکمل تحفظ اور یکساں معاشی مواقع کے لیے پرعزم ہے۔
چئیرمین اسلام آباد سٹاک ایکسچینج اور دیگر مقررین نے اپنے خطاب میں کہاکہ اسلام آباد سٹاک ایکسچینج میں فاونڈرز وال کے ذریعے ہم نے ادارے کے لیے گراں قدر خدمات پیش کرنے والوں کو خراج عقیدت پیش کیا ہے۔
