انٹرنیٹ کے بے تاج بادشاہ گوگل نے پاکستان میں رجسٹریشن کرا لی

اسلام آباد(ویب ڈیسک) پاکستان کے ڈیجیٹل میڈیا سے منسلک افراد کےلئے بڑی خوشخبری، انٹرنیٹ کی دنیا کا بے تاج بادشاہ گوگل اب پاکستان میں بھی رجسٹرڈ ہوگیا۔
گوگل نے خود کو سیکیورٹیز اینڈ ایکسچینج کمیشن آف پاکستان (ایس ای سی پی ) کے ساتھ ایک کمپنی کے طور پر رجسٹر کیا ہے۔
ایس ای سی پی نے کمپنیز ایکٹ 2017 کے سیکشن 435 کے تحت گوگل کو رجسٹریشن کا سرٹیفکیٹ جاری کیا ہے۔
ذرائع کے مطابق گوگل ایس ای سی پی میں رجسٹریشن کے بعد بہت جلد پاکستان میں اپنا کام شروع کردے گا۔ گوگل کا ایک وفد اگلے ہفتے پاکستان آئے گا اور پاکستانی حکام سےاہم ملاقات کرے گا۔