صدر مملکت آصف علی زرداری اور وزیراعظم شہبازشریف نے اپنے الگ الگ بیان میں سابق امریکی صدر ٹرمپ پر قاتلانہ حملے کی مذمت کی ہے
صدر مملکت آصف علی زرداری نے کہا کہ سابق امریکی صدر پر حملے کا سن کر گہرا صدمہ پہنچا۔
صدر مملکت نے کہا کہ سیاست میں تشدد کی کوئی جگہ نہیں۔
آصف زرداری نے ڈونلڈ ٹرمپ کی جلد صحتیابی کے لیے نیک خواہشات کا اظہار بھی کیا۔
پی ایم ہاؤس سے جاری بیان میں وزیراعظم شہبازشریف نے کہا کہ سیاسی عمل میں ہر قسم کا تشدد قابل مذمت ہے۔
وزیراعظم نے کہا کہ اس مشکل وقت میں ہماری ہمدردیاں اور نیک خواہشات ڈونلڈ ٹرمپ کے خاندان کے ساتھ ہیں۔
وزیراعظم نے سابق امریکی صدر اور حملے میں زخمی ہونے والے دیگر افراد کی جلد صحت یابی کے لیے بھی دعاء کی۔
