پشاور (خصوصی رپورٹر): خیبر نیوز پشاور کا منفرد اور دلچسپ پروگرام "نوے کل” نوجوان نسل میں تیزی سے مقبول ہوتا جا رہا ہے اور اب یہ طلبہ و طالبات کا اولین انتخاب بن چکا ہے۔
یہ ہفتہ وار پروگرام پشاور سمیت صوبے بھر کے نجی اور سرکاری تعلیمی اداروں کے طلبہ و طالبات کو مدنظر رکھتے ہوئے پیش کیا جاتا ہے، جس کا مقصد انہیں بہتر مستقبل اور عملی زندگی میں کامیابی کے لیے رہنمائی فراہم کرنا ہے۔
پروگرام کے میزبان معروف صحافی امین مشال ہیں، جو نہایت مؤثر انداز میں نوجوانوں کو مختلف موضوعات پر آگاہی دیتے ہیں۔ اس شو میں پشاور اور دیگر اضلاع سے تعلق رکھنے والے طلبہ و طالبات شرکت کرتے ہیں، جہاں انہیں نہ صرف مفید لیکچرز دیے جاتے ہیں بلکہ اپنے خیالات کے اظہار کا بھرپور موقع بھی فراہم کیا جاتا ہے۔
یہ بات قابلِ ذکر ہے کہ "نوے کل” پروگرام بتدریج صوبہ بھر کے تعلیمی اداروں میں مقبولیت حاصل کر رہا ہے اور نوجوانوں کی رہنمائی کے حوالے سے ایک اہم پلیٹ فارم بنتا جا رہا ہے۔
