ڈی ایچ اے پشاور میں منعقد ہونے والی Build & Beyond Expo 2026 کا باقاعدہ آغاز 16 اپریل سے ہو گیا ہے، جہاں کاروبار، تعمیرات اور جدت کے مختلف شعبوں سے تعلق رکھنے والے افراد بھرپور شرکت کر رہے ہیں۔
ایکسپو میں ملک بھر سے کمپنیوں، سرمایہ کاروں اور ماہرین کی بڑی تعداد شریک ہے، جو جدید منصوبوں، کاروباری مواقع اور نئی ٹیکنالوجیز کو متعارف کرا رہے ہیں۔ تین روزہ اس نمائش کا مقصد نہ صرف سرمایہ کاری کے مواقع کو فروغ دینا ہے بلکہ نوجوانوں اور کاروباری برادری کو ایک پلیٹ فارم فراہم کرنا بھی ہے جہاں وہ نئے رجحانات سے آگاہ ہو سکیں۔
منتظمین کے مطابق ایکسپو کے دوران مختلف سیشنز، نیٹ ورکنگ مواقع اور تفریحی سرگرمیوں کا بھی اہتمام کیا گیا ہے، جو شرکاء کے لیے معلوماتی اور دلچسپ تجربہ ثابت ہوں گی۔
یہ ایکسپو 18 اپریل تک جاری رہے گی، جس میں شہریوں کی بڑی تعداد کی شرکت متوقع ہے۔
