آپریشن ردالفتنہ 3 کے تحت بلوچستان کے مختلف علاقوں میں سکیورٹی فورسز کی انٹیلی جنس بیسڈ کارروائیوں کے دوران 15 خوارج ہلاک کر دیے گئے ۔
سکیورٹی ذرائع کے مطابق سکیورٹی فورسز نے مستونگ، بولان ، واشک، آواران ، سبی ، خضدار ، ہرنائی اور نوشکی میں خوارج کے خلاف متعدد کارروائیاں کیں ۔
ذرائع کے مطابق کارروائیوں کے دوران 15 خوارج ہلاک ہوئے جبکہ ان کے قبضے سے بڑی مقدار میں اسلحہ اور گولہ بارود بھی برآمد کیا گیا ۔
سکیورٹی ذرائع کا کہنا ہے کہ مؤثر کارروائیوں کے باعث خوارج کے نیٹ ورک کو شدید نقصان پہنچا اور ان کی نقل و حرکت محدود ہوگئی ہے ۔
سکیورٹی ذرائع کے مطابق دہشت گردی کے مکمل خاتمے تک آپریشن ردالفتنہ 3 کے تحت کارروائیاں بلا تعطل جاری رکھنے کے لیے سکیورٹی فورسز پرعزم ہیں ۔
