محکمہ موسمیات کے مطابق موسم سرما کے رنگ ملک میں نظر آنے لگے
ملک کے بیشتر اضلاع میں موسم سرداورخشک رہے گا۔برفباری اور بارش بالائی علاقوں میں متوقع ہے۔میدانی علاقے جکبہ دھندکی لپیٹ میں رہیں گے۔خون جمادینے والی یخ بستہ ہواؤں کا ملک میںراج ہے۔ بالائی علاقوں میں پہاڑوں نے سفید چادر اوڑھ لی ہے،جبکہ میدانی علاقے دھند کی لپیٹ میں ہیں۔
موسم سرما کے رنگ ملک میں نظر آنے لگے ہیں۔سردی کی شدت میں بارش اوربرف باری کی وجہ سے مزید اضافہ ہوگیا ہے۔ مقامی لوگ اور سیاح بالائی علاقوں میں پہاڑوں پر برفباری کے حسین مناظر سے خوب لطف اندوز ہو رہے ہیں۔درجہ حرارت نقطہ انجماد سے گرنے کے باعث کشمیرکے بعض علاقوں میں ندی نالے اور چشمے جم گئےہیں۔
سیاحوں کی آمدورفت شدید سردی کی وجہ سے بند ہوگئی۔سیاحت سے جڑے لوگوں کے کاروبار بھی بند ہو کر رہ گئے ہیں۔بیماریاں پھوٹنے کے خطرات بھی خشک سردی کے باعث منڈلانے لگے ہیں۔سندھ اور پنجاب میں دھندکے ڈھیرے ہیں۔ ٹریفک کیلئے دھندکے باعث مختلف جگہوں سے بند کی گئی موٹر وے کو کھول دیاگیاہے۔
ترجمان ٹریفک پولیس کا کہناہے کہ ڈرائیورز حضرات فوگ لائٹس کا استعمال کریں اورغیر ضروری سفر سے شہری اجتناب کریں۔محکمہ موسمیات کا ادھر کہنا ہے کہ آئندہ کچھ روز تک ملک کے بیشتراضلاع میں موسم سرد اور خشک رہے گا۔
