صدر آصف علی زرداری کو صدارت کا منصب سنبھالنے پر مختلف ممالک کے سربراہاں کی جانب سے مبارک بادوں کا سلسلہ جاری ہے
روسی صدر ولانے صدارت کا منصب سنبھالنے پر صدر آصف زرداری کو مبارکباد دی ہے۔پیوٹن نے پاک روس دوستانہ تعلقات میں مزید وسعت کیلئے اعتماد کا اظہارکیا ہے۔دوسری جانب صدر آصف زرداری کو تاجکستان کے صدرامام علی رحمان نے فون کرکے صدر بننے پر مبارک باد دی ۔ اس دوران دونوں صدور نے دوطرفہ تعاون مزید مضبوط بنانیکی خواہش کا اعادہ بھی کیا۔
دوسری جانب صدر مملکت آصف علی زرداری نے اپنی تنخواہ نہ لینے کا فیصلہ کیا ہے۔ایوانِ صدر کے پریس ونگ کی طرف سے جاری بیان کے مطابق صدر ِمملکت نے فیصلہ درپیش معاشی چیلنجز کے پیش ِنظر کیا۔صدر آصف زرداری کے فیصلے کا مقصد ملک میں دانشمندانہ مالیاتی انتظام کی حوصلہ افزائی کرنا ہے۔ صدر مملکت نے قومی خزانے پر بوجھ نہ ڈالنے کا فیصلہ کرتے ہوئے تنخواہ نہ لینے کو ترجیح دی۔
