کن شہروں میں ضمنی انتخاب کے دوران موبائل فون اور انٹرنیٹ سروس ’معطل‘ رہیں گی
ضمنی انتخابات کی وجہ سے13شہروں میں موبائل فون اور انٹرنیٹ سروس بند کردی گئی ہے۔ضمنی انتخابات 2014 کیلئے لاہور سمیت پنجاب کے 13 اضلاع اور تحصیلوں میں موبائل سروس اور انٹرنیٹ سروس بند رہے گی۔محکمہ داخلہ پنجاب نے وزارت داخلہ کو موبائل اور انٹرنیٹ سروس کی معطلی کیلئے مراسلہ بھجوادیا۔ مراسلے میں یہ کہا گیا ہے کہ ضمنی انتخابات کے روز 13 اضلاع و تحصیلوں میں موبائل و انٹرنیٹ سروس معطل کی جائے۔
ذرائع کے مطابق لاہور، شیخوپورہ، قصور، تلہ گنگ، کلرکہار، گجرات، علی پورچھٹہ، ظفروال، بھکر، صادق آباد اور ڈی جی خان میں امن و امان برقرار رکھنے کےلیے موبائل انٹرنیٹ سروس معطل رکھی جائے۔خط کی کاپی چیف سیکرٹری پنجاب، آئی جی پنجاب، چیئرمین پی ٹی اے کو بھی ارسال کی گئی ہے جبکہ اس کے علاوہ سی سی پی او لاہور متعلقہ کمشنر اور دیگر افسران کو بھی خط بھجوا دیا گیا ہے۔
یادرہے کہ کل پنجاب سمیت ملک بھر میں قومی اور صوبائی اسمبلیوں کے 21 حلقوں میں ضمنی انتخاب کےلیے پولنگ ہوگی،ضمنی انتخابات کے لیے الیکشن کمیشن کے مطابق ریٹرنگ افسران، پریذائیڈنگ افسران اورڈیٹا انٹری آپریٹرز کی ٹریننگ بھی گزشتہ روز مکمل ہوئی۔ قومی و صوبائی اسمبلیوں کے اکیس حلقوں میں ضمنی انتخابات کیلئے پولنگ 21 اپریل کو ہوگی۔
