بلوچستان کے مختلف علاقوں میں سیلاب کے پیش نظر امدادی کارروائیاں جاری کی گئی ہیں
بلوچستان کے مختلف علاقوں میں پاک فوج اور ایف سی بلوچستان (نارتھ) کی سول انتظامیہ کےہمراہ سیلاب کے پیش نظر امدادی کارروائیاں جاری ہیں۔چمن، نوشکی اور قلعہ عبداللہ کےنواحی علاقوں سے مشینوں کے ذریعے پانی کا اخراج جاری یے۔محفوظ مقامات پر لوگوں کو منتقل کیا جارہا ہے،سیلاب زدگان میں پکا ہوا کھانا تقسیم کیا جارہا ہے۔سیلاب زدگان کی مددکیلئے چمن کےعلاقے زرقوم کلی میں ایف سی بلوچستان کی جانب سےفری میڈیکل کیمپ قائم کردیا گیا ہے۔ڈاکٹرز اور پیرا میڈیکل سٹاف میڈیکل کیمپ میں تعینات ہے۔
تمام سیلاب زدگان کومفت ادویات اورکھانے پینےکی اشیاء فراہم کی جارہی ہیں۔ ایف سی کی طرف سے پی ڈی ایم اے کو مکمل معاونت فراہم کی جارہی ہے۔ ایمرجنسی کیمپس کیلئے فلڈریلیف آشیاء جس میں گیس سیلنڈرز اور ٹینٹس شامل ہیں سیلاب زدہ علاقوں میں پہنچا دی گئی ہیں۔
