بالاکوٹ میں ریچھ کے حملے سے خاتون جاں بحق ہوگئی۔
بالا کوٹ میں جنگلی ریچھ نے حملہ کرکے خاتون کو بے دردی سے مار ڈالا۔یہ واقعہ بالا کوٹ کے علاقہ جگن کے مقام پر پیش آیا ہے،جدھر جنگلی ریچھ کے حملے کی وجہ سے تین بچوں کی ماں جاں بحق ہوگئی ہے۔جاں بحق ہونے والی خاتون کے لواحقین ڈی ایس پی آفس پہنچ گئے اور انہوں نے محکمہ کے ذمہ داروں کے خلاف کاروائی کا مطالبہ کیا ہے۔اس موقع پر لواحقین سے بات چیت کرتے ہوئے ڈی ایس پی سرکل بالا کوٹ کیڈٹ محمد فاروق نے کہا تھا کہ ذمہ داروں کے خلاف قانون کے مطابق کاروائی کی جائے گی۔انہوں نے کہا ہے کہ لواحقین پرامن رہیں قانون سے کوئی بھاگ نہیں سکتا،متاثرین کی داد رسی ضرور کی جائے گئی۔لواحقین کے مطابق بالاکوٹ کے مختلف علاقوں میں ریچھ کے حملے اب معمول بن گئے ہیں لیکن اس کے خلاف متعلقہ محکمے کی طرف سے کوئی کارروائی نہیں کی جارہی ہے۔
