بلوچستان کے ضلع ژوب میں ایف سی بلوچستان (نارتھ) اور شیرانی قبائلی عمائدین کے درمیان گرینڈ جرگے کا انقعاد کیا گیا ہے۔
آئی جی ایف سی بلوچستان (نارتھ) میجر جنرل چوہدری امیر اجمل نے جرگے میں خصوصی شرکت کی ہے، جرگے میں ملٹری وسول حکام، قبائلی عمائدین اور مقامی افراد نے بھی شرکت کی۔اس جرگے میں علاقے کی مجموعی سیکیورٹی کی صورتحال اور پاک افغان بارڈر مینجمنٹ پر بات چیت کی گئی، قبائلی عمائدین نے دہشتگردوں کے خلاف کامیاب آپریشنز پر پاک فوج اور ایف سی بلوچستان کی کاوشوں کو خوب سراہا ہے۔
آئی جی ایف سی بلوچستان کے مطابق شہریوں کی جان ومال کی حفاظت اولین ترجیح ہے، اس لئے دہشتگردوں کے خلاف سیکیورٹی فورسز کے حالیہ آپریشنز میں مقامی قبائل کی حمایت کو قدر کی نگاہ سے دیکھتے ہیں۔اس موقع پرقبائلی عمائدین نے کہا کہ پاک فوج اور ایف سی کو دہشتگردوں کے خلاف کارروائیوں کیلئے ہماری مکمل حمایت حاصل ہے، اس کے ساتھ ہی قبائلی رہنماؤں نے سول انتظامیہ سے درخواست کی ہے کہ پولیس اور لیویز فورس کی استعداد کار بڑھائی جائے تاکہ یہ امن اور استحکام کیلئے اپنا کردار ادا کریں۔
