اسلام آباد: 26ویں آئینی ترمیم منظور ہونے کے بعد چیف جسٹس آف پاکستان کی تعیناتی کے لیے پارلیمانی کمیٹی کی تشکیل کا عمل شروع ہو گیا ہے اور اس کیلئے قومی اسمبلی اور سینیٹ کے اراکین کےتمام 12 ممبران کے نام سپیکر آفس کو موصول ہوگئے ہیں۔
خصوصی پارلیمانی کمیٹی کیلئے سینیٹ سے چار نامزد ممبران کے ناموں میں سے جمعیت علمائے اسلام ( ف ) نے کامران مرتضیٰ ، پیپلز پارٹی نے فاروق ایچ نائیک ، مسلم لیگ ن نے اعظم نذیر تارڑ جبکہ پی ٹی آئی نے بیرسٹر علی ظفر کو نامزد کیا ہے۔
کمیٹی کے لیے قومی اسمبلی کے 8 اراکین میں سے 7 کے نام سامنے آگئے ہیں جن میں مسلم لیگ ن نے خواجہ آصف، احسن اقبال اور شائستہ پرویز کو نامزد کیا ہے۔
خصوصی پارلیمانی کمیٹی کے لیے پیپلز پارٹی نے راجہ پرویز اشرف اور نوید قمر جبکہ تحریک انصاف نے بیرسٹر گوہر اور صاحبزادہ حامد رضا کو نامزد کیا ہے اور متحدہ قومی موومنٹ پاکستان کی جانب خواجہ اظہار الحسن کا نام دیا گیا ہے۔
