پاک فوج کے شعبہ تعلقات عامہ کی جانب سے جاری بیان کے مطابق سیکیورٹی فورسز نے خیبر پختونخوا کے قبائلی ضلع خیبر کے علاقے باغ میں انٹیلی جنس بیسڈ آپریشن کیا ہے ۔
آئی ایس پی آر نے کے بیان کے مطابق آپریشن میں چار دہشتگرد ہلاک جبکہ دو زخمی ہوگئے ۔
آئی ایس پی آر نے کہا ہے کہ ہلاک دہشتگردوں میں عزیزالرحمان عرف قاری اسماعیل اور مخلص شامل ہیں ۔
آپریشن کے دوران ہلاک دہشتگردوں کے قبضے سے بھاری تعداد میں ہتھیار اور گولیاں بھی برآمد کی گئیں ۔
آئی ایس پی آر کا کہنا ہے کہ ہلاک دہشتگرد سیکیورٹی فورسز پر حملوں اور بےگناہ شہریوں کے قتل میں ملوث تھے ۔
ترجمان پاک فوج کا کہنا ہے کہ علاقے میں ممکنہ خارجیوں کے خاتمے کیلئے کلیئرنس آپریشن کیا جارہا ہے، سیکیورٹی فورسز دہشتگردی کے خاتمے کیلئے پُرعزم ہیں ۔
