پاسپورٹ بلاک ہونے کا معاملہ، وزیراعلیٰ خیبر پختونخوا علی امین گنڈاپور نے پشاور ہائیکورٹ سے رجوع کرتے ہوئے عدالت میں درخواست دائر کر دی ۔
پشاور: وزیراعلیٰ خیبرپختونخوا کی قانونی ٹیم کی جانب سے دائر درخواست میں موقف اختیار کیا ہے کہ پاسپورٹ اور نام ای سی ایل سے نکالا جائے ۔
درخواست میں کہا گیا کہ علی امین گنڈاپور خیبرپختونخوا کے چیف ایگزیکٹو ہیں لیکن ان کا پاسپورٹ بلاک ہے، علی امین گنڈاپور نے قانونی ٹیم سے مشاورت کے بعد درخواست دائر کی ۔
وزیراعلیٰ خیبرپختونخوا کی لیگل ٹیم کی جانب سے درخواست کو جلد سماعت کے لیے مقرر کرنے کی بھی استدعا کی گئی ہے ۔
واضح رہے کہ چند روز قبل وزیراعلیٰ علی امین گنڈاپور نے انکشاف کیا تھا کہ 9 مئی واقعات کے بعد سے ان کا پاسپورٹ بلاک ہے اور ان کا نام بھی ای سی ایل میں شامل ہے ۔
