پشاور (خصوصی رپورٹر) خیبر نیوز اور کے ٹو اپنے ناظرین کے لیے ملکی و بین الاقوامی سیاسی، اقتصادی اور اہم قومی معاملات پر اردو اور پشتو زبانوں میں حالاتِ حاضرہ پر مبنی معیاری ٹاک شوز پیش کر رہے ہیں۔
اسی سلسلے میں کے ٹو سے "شاہراہِ امن” کے عنوان سے ایک خصوصی پروگرام نشر کیا جا رہا ہے، جس کی میزبانی محمد وسیم اور عالیہ مروت کر رہے ہیں۔ اس پروگرام میں بلوچستان اور خیبر پختونخوا میں دہشت گردی کے خلاف سیکیورٹی فورسز کے آپریشنز، پولیس اور فوجی افسران و جوانوں کی شہادتوں سمیت خطے کی مجموعی سیکیورٹی صورتحال پر گفتگو کی جاتی ہے۔
پروگرام میں افغانستان اور بھارت سے متعلق امور، علاقائی صورتحال اور قومی سلامتی کے مسائل پر بھی تبادلہ خیال کیا جاتا ہے۔ نامور سیاسی رہنماؤں، دفاعی تجزیہ کاروں، سینئر صحافیوں اور جنوبی پختونخوا و ضم اضلاع کے عمائدین کو مدعو کر کے امن و امان کی بحالی میں عوامی ذمہ داریوں پر بھی روشنی ڈالی جاتی ہے۔
"شاہراہِ امن” موجودہ حالات کے تناظر میں قومی یکجہتی اور شعور اجاگر کرنے کی ایک سنجیدہ کاوش ہے۔
