امریکی سینٹرل کمانڈ (سینٹکام) نے اعلان کیا ہے کہ امریکی فوج نے ایران میں تقریباً 2,000 اہداف پر حملے کیے ہیں۔
سینٹکام کے مطابق امریکا نے ایران کی آبدوز سمیت 17 بحری جہاز تباہ کر دیے ہیں، جس کے بعد خلیج عرب، خلیج ہرمز اور خلیج عمان میں اب کوئی بھی ایرانی بحری جہاز موجود نہیں۔
امریکا کے حملوں کے جواب میں ایران نے 500 بیلسٹک میزائل اور 2,000 سے زائد ڈرون داغے۔
قبل ازیں صدر ڈونلڈ ٹرمپ نے کہا تھا کہ ایران میں سب کچھ تباہ کردیا گیا ہے، ایران کی فضائیہ، بحریہ اور قیادت مکمل طور پر ختم کر دی گئی ہے۔ انہوں نے مزید کہا کہ ایران امریکا سے بات کرنا چاہتا ہے لیکن اب بہت دیر ہوچکی ہے اور اہداف کے حصول تک جنگ جاری رہے گی۔
امریکی وزیر خارجہ مارکو روبیو نے بھی کہا کہ امریکا ایران کے میزائل پیڈز اور جوہری و بیلسٹک ہتھیاروں کو نشانہ بنا رہا ہے اور مقاصد کے حصول تک کارروائیاں جاری رکھی جائیں گی۔ انہوں نے واضح کیا کہ ایران کو کسی صورت جوہری ہتھیار حاصل کرنے کی اجازت نہیں دی جائے گی۔
